دراسة جدوى لمشروع تربية البط المسكوفى

البط المسكوفى 

من المشاريع البسيطة والجميلة والسهلة والمربحه 

انا هشرح الطريقة اللى أنا جربتها ولله الحمد والفضل

وبفضل الله نجحت معايا جداً جداً جداً بفضل الله
......
لو انت اول مره هتربى البط يبقى اشترى ٢٥ جوز بس كتجربة
سعر الجوز تقريباً بيترواح ما بين ٤٢ إلى ٥٠ جنية
..
قبل ما تستلم البط تكون منظف المكان كويس جداً جداً
وبعد التنظيف ياريت ترش جير مطفى
وبعدين تدخل البط بتاعك
اول حاجه هتعملها هتشترى كيلو حلبه بلدى وتغليها على تقريبا ١٠ لتر مياه كويس جداً جداً
وبعدين تسيبها لحد ما تبرد
وبعد ما تبرد تحطها زى ما هى للبط
وبعد نص ساعه تقدم العلف المركز
فى كذا نوع علف مركز انا بستخدم علف بروتين ٢٣ وده افضل حاجه للبط وده رأيى الشخصي ومفيش حد ملزم بيه
بس انا بقولك على اللى جربته بنفسى وفى بيتى
الدورة بتاع البط مدتها ٣شهور بس
وبعدين بتبيع
البطه الواحده بتصرف تقريباً عليك ٤٠ جنيه خلال الثلاث شهور
تحسب ثمن البط ٢٥ جوز ×٥٠ جنية =١٢٥٠ جنية
التسمين خلال الدورة ٤٠ جنية ×٥٠ بطه=٢٠٠٠ جنية
يبقى إجمالى المصروفات ٣٢٥٠ جنية
...

بالنسبة لحساب البيع

ذكر البط بيوزن فى خلال الثلاث شهور ما بين ٤.٥ الى ٥.٥ كيلو جرام
الإناث وزنها بيكون ما بين ٣ إلى ٣.٥ كيلو جرام
بس احنا هنحسب أقل معدل
هنقول إن الخمسين بطه وزنهم المتوسط ٤ كيلو جرام
يبقى نحسب وزن البط فى سعر اليوم
٤كيلو×٥٠ بطه = ٢٠٠ كيلو جرام
٢٠٠كيلو ×سعر اليوم ٣٢ جنية =٦٤٠٠ جنية
٦٤٠٠ جنية إجمالى البيع _٣٢٥٠ المصاريف والشراء =٣١٥٠ جنية
...........
البط المناعة عنده عاليه
نسبة الوفيات قليلة جدا جدا جدا جدا بفضل الله
.....
معلومة
البط بياكل بواقى طعام البيت سواء كان خبز او طبيخ او غيره
......
لزيادة نسبة المناعة وافتح الشهيه يرجى غليان كيلو حلبة مرتين في الشهر
مع مراعاة النظافة المستمرة ونظافة المياه
وضبط مواعيد الاكل ٥ مرات يوميا