- طرق القضاء على العرسة
-------------------------------------------خير الناس أنفعهم للناس.......
هذا الحيوان الذي يتغذى علي الدواجن الحية جرت تسميته في الريف بـ«خناق الكتاكيت»
لقدرته الفائقة علي التخلص من أعداد كبيرة من الكتاكيت،فالعرسة الواحدة يمكنها امتصاص دماء أكثر من مائة كتكوت في اليوم
، ولهذا فوجوده في الأماكن القريبة من مزارع الدواجن وسلاكات الحمام
أو منازل الفلاحين يعد خسارة فادحة تلحق بأصحابها،
وقد عبر المثل الشعبي القائل «اللي يخاف من العرسة ما يربيش كتاكيت»
عن مدي الخوف من هذا الحيوان دقيق الحجم،
والذي يتسم جسمه بالرشاقة والسرعة ولهذا تصاب الدواجن عند رؤيته بهلع شديد.
الحلول:
1-المطلوب احضار كميه سكر لان العرس بتحب السكر و تضع كميه جبس ابيض على السكر
بالاضافه لاناء به مياه حتى يتسنى للعرس شرب المياه بسهوله فتتحجر معدتها بعد الاكل مباشره و تموت
2- تشترى مصيدة للعرس زى بتاع الفئران بس الفرق
ان بيبقى فية مكان يوضع فيه كتكوت أو زغلول صغير (وهو مش هيبطل صو صوصو)
هتيجى العرسة بسلامتها هتيجى علشان تاكله مش هتعرف هتيجى تلمس سلك هيجى الباب مقفول عليها
ولا تخاف مش هتقدر تاكل الزغلول تيجى الصبح تطلع الزغلول وتفطسها فى الميه
ويوم مع يوم هتخلصهم إن شاء الله والمصيدة بتتباع فى السوق عند الناس
الحدادين أو عند محل روبابيكياوديه
3- تولع النور فى الليل علشان العرس بتخاف من النور
4-تربى كلب شرس ...
( لان العرس بتخاف تخش المكان اللى فية ريحة الكلاب والكلاب بتتضايق من حاجة اسمها عرسة ).....
5- الحفاظ على النظافة دائما واحرص على التخلص من الكراكيب بشكل مستمر ......
