تربية الأرانب فى المنزل من الصفر حتى الاحتراف

سلملي دماغك وهخليك أكبر مربي بإذن الله ولو شايفها فلوس هتجيلك
الشرط لازم تكون عاشق للارانب والتربيه بتجري في دمك

بسم الله نبدأ :-

1- عاوزك تبدأ متلمش ارانب وخلاص
2- انت مش محتاج كبدايه اكتر من عشره امهات بالكتير والافضل 4 امهات وذكر
3- هات ارانب لسه بكر عشان تضمن ان مفيش مشاكل في الخلفه (اوعي تجيب ارنب شغال ) عشان ميتضحكش عليك
4_هات ارانب من حد مضمون عشان محدش يبيعلك ارانب لحم على اساس انها احلال

5_هات علف كويس ومتستخسرش في الارنب
لان اللي هتوفره من العلف هتدفع اكتر منه في ادويه وفيتامينات واملاح ونافق
6_التزم بالنظافه والتطهير المستمر عشان معظم الامراض المستعصيه سواء تنفسي او معوي بتكون بسبب قله النظافه
7- الكشكول اللي هتكتب فيه هوه المرجع بتاعك اوعي تعتمد علي الذاكره الكشكول هو كل حياتك تكتب فيه كل صفحه فيها ارنب واحد ونوعه وترقم كل صفحه من 1 الي ..... شوف عندك كام ارنب
8- العلفه تجيبها بالشهر وقبل الشهر ميخلص ب3 ايام تجيب غيرها
9- الصيدليه لازم يكون فيها:
الفيتامينات والكالسيوم والاملاح المعدنيه والمضادات الحيويه ومضادات الكوكسيديا
هذه احتياجات الصيدليه الاساسيه ولاكن هناك المزيد بالنسبه للعلاجات عند الحاجه وطرق علاج وادويه مختلف هيطول شرحها
.
وبكده انت جاهز بفضل الله
دلوقتي اقدر اقولك تبدأ ازاي
..

أولا طريقه الاختيار

لابد ان يكونو بصحه جيده
ولا يوجد امراض او تشوهات
ولا يوجد اي افرازات من العين او الانف
اوالفم او الفتحه الشرجيه او التناسليه
ويكون الفرو ناعم ولامع
وتكون الاسنان والاظافر طبيعيه وغير كبيره
ولاتوجد اي جروح او خراريج
وفحص بين الاصابع والاذن من الداخل والخارج وطرف الذيل والتاكد من عدم وجود جرب
ويكون المسكن نظيف وتهويته جيده
وتكون التغذيه سليمه وعلف متوازن
وتكون الام هادئه الطباع
وتكون عظام الحوض واسعه
وتكون الحلمات واضحه ولا يوجد بها عيوب وتكون عددها 8 او 10
اما الذكر لابد ان يكون حجمه جيد وله رأس عريض ويكون الهيكل العظمي متناسق مع العضلات
ولايوجد اي تشوهات للعضو الذكري
وتكون الخصيتين خارج الجسم
ويكون الحجم متماثل بينهما
ويكون ملمسهما اسفنجي
لاتكون طريه او صلبه

ثانيا عند التزاوج

لابد ان يكون الوزن والحجم والعمر مناسب سواء الذكر او الانثى
لابد ان يكون الذكر اكبر من الانثى في الحجم والعمر
وعمر البلوغ الجنسي 5 شهور الانثى 6 شهور للذكر

عدم زواج الاقارب
وعدم زواج ارانب لها انعزالات وراثيه
التلقيح يكون عند وصول الام لأعلى نسبه خصوبه عندما تكون فتحه الحيا لونها وردي غامق
ويكون التلقيح اما في الصباح الباكر او الليل
وعدم الافراط في المضادات الحيويه
طويله المفعول او الافوماك او السلفا
والالتزام فقط بجدول المياه
كل هذا للحفاظ على السلاله
والحفاظ على المناعه
وعدم حدوث امتصاص او تشوهات للأجنه
توفير الجو الهادئ وعدم الازعاج
تقديم العليقه المتوازنه
حتى لايحدث امتصاص او افتراس
مع مراعاه عدم الافراط في تقديم العلف حتى لا يحدث سمنه
ويفضل العليقه الخاصه بالامهات
وقبل معاد الولاده بخمس ايام تركيب بيت الولاده وتجهيزه وتطهيره
.
ثالثا متابعة الام بعد الولادة
أعادة التلقيح بعد مرور 6_8 ساعات بعد الولادة وتكرار التلقيح بعد 15 دقيقة
إذا كانت الام بصحه جيده وعدد الخلفه سته او اقل
او الراحة من 10الى20 يوم ثم اعادة التلقيح في حاله ضعف الام او عدد خلفه كبير
وانا افضل الراحه للام لكي تستطيع ان تفطم على عمر 35 وتكون الام في صحه جيده وتعيش مده اطول وتعطي انتاجاً جيداً
حقن مضاد حيوى أوكسي تتراسيكلين 5% 1سم عضل بعد الولادة للوقاية من التهاب الضرع وللوقايه من الاصابة باى مرض نظرا لضعف مناعة الام فى تللك الفترة
حقن 3سم كالسيوم تحت الجلد ثانى يوم الولادةلزيادة ادرار اللبن وتعويض الام عن الكالسيوم المفقود من جراء تكرار الولاده وتكرر الجرعة بعد 15 يوم من تاريخ الولادة
يمكن استخدام البقدونس والحلبة والبرسيم لادرار اللبن
والاهتمام بنظافه بيت الولاده
تغيير الفرشه في حاله تبول الام عليها
حتى لايموت الفطام بسبب الامونيا
فحص الفطام والتأكد انهم بصحه جيده
والتاكد انهم راضعين جيدا
وابعاد النافق ومعرفه سبب الوفاه لتجنبها مع الباقي
في حاله عدم الرضاعه تستخدم الرضاعه الحبيسه او الاجباري
ويفضل تلقيح كذا انثى في نفس اليوم
حتى اذا حدث هجر او موت الام
او خلفه عدد كبير
حتى يمكن التوزيع على الامهات الاخرى
يفضل الفطام قبل ميعاد الولاده
قبل الولاده ب5 ايام يتم نزع بيت الولاده وتطهيره وتجهيزه للخلفه القادمه
وتركيبه قبل الولاده ب3ايام ويتم نقل الفطام القديم حتى تستريح الام..

رابعا التعامل مع الفطام
يفضل الفطام على عمر من 30الى35
يتم تجويع الفطام لمدة من8الى12 ساعة
يوضع اعلاف بروتين 16 او17 % ويكون 25 جرام للارنب لمدة 10 ايام وجبتين حتى لا يتم اهدار العلف
ثم يتدرج في الزيادة في كمية العلف حتي يصل الارنب الى وزن كيلو ثم وضع علف مفتوح حتي البيع.
- يوضع سلفا ديمدين 1جرام علي اللتر لمدة 3 ايام بعد الفطام
ويتم وضع الخل علي مياه الشرب بنسبه
1سنتي عل اللتر للخل الخام
و5 سنتي على الليتر للخل المنزلي
حتى تقي الفطام كثيرا من الأمراض المعوية ومشاكل العلف
ثم تستخدم برنامج الفيتامينات والاملاح والاحماض في جدول المياه
العادي مثل كل الامهات والذكور
اذا تم الاخذ بهذه الامور مع النظافه الدائمه والتهويه الجيده
ان شاء الله لن تجد اي امراض في القطيع
اذا اتبعت النظام الجيد في النظافه والاكل والجداول الوقائيه

.اذا كان فيه في الفطام حاجات مستوي كويس ويستاهل انك تعملها احلال للمزرعه تفرزها وهما لسه صغيرين وتتابع معاها لحد ما تبقى عمر شهرين وتخللي الفلتات والحجات الممتازه ليك وتطلع المستوي الضعيف لحم يبقا انت كده ابتديت تبقي مربي وبتحسن في مستواك
لغايه متقف علي رجليك ابدأ اقفل علي نفسك موسم كامل وطلع كل زياداتك واحتفظ بكام ارنب اللي انت اعتمدت عليهم يكونو امهات وبيع الذكور الزياده واشتريلهم ذكور من بره عشان مشاكل جواز الاقارب
اقفل علي نفسك موسم أخر وهكذا لحد ما تكبر
يستحسن ان تمسك باب واحد ياعني نوع واحد من الارنب وتركز فيه وتعمل سمعه طيبه بين المربيين
يعني لكل النوع الذكر من نفس النوع متهجنش
مثلا عندك 9 ارانب خليهم 3 انواع وكل نوع ليه الذكر الخاص بيه
.
.
.
♥ النصيحه الواجب الالتزام بها للنجاح وحفر اسمك بشرف بين اكبر المربيين
1- الامانه والشرف ومرعاه الله في كل تعاملاتك
2- اوعي تطلع زياداتك وتبيع ارنبك وبه مرض ادبحه وربنا هيباركلك في الباقي
3- اوعي تبيع حاجه معيوبه ومتقولش للمشتري عيبها
4- بيع بسعر منخفض للمبتدئين وساعد غيرك وافتكر انك كنت مكانه في يوم من الايام وناس ساعدتك
5- اوعي تعمل عداءات ومشاكل وتغلط في حد مهما حصل
6- اكسب اكبر قدر ممكن من المربيين المحترمين والاصدقاء
7- اوعي تبني نفسك بفلوس حرام وتفرح بعشره جنيه او ميه او الف زياده من الغش والنصب في يوم من الايام ستصبح مربي كبير وتمتلك ارانب بعشرات الالاف هتعمل ايه ساعتها وكل ده اتبني من حرام وفرحت بمبالغ تافهه في الاول (لو حبيت تتوب مش هتعرف ترجع ده لو ربنا سابك في حالك ممكن تتسرق ممكن مرض يقضي علي كل نجاحج ممكن تيجي فيك وفي اولادك لاقدر الله يارب احفظنا جميعا وابعدنا عن الحرام )
8- انت مش اقوي من كلمه حسبي الله ونعم الوكيل اتقالتلك من حد ضحكت عليه
9- هدفك ميبقاش فلوس
الفلوس وسيله بتوصلك مش غايه تجمعها
وأخيرا وليس بأخر مش هتقدر تعمل كل اللي قولتلك عليه ده وتنجح إلا بانك لازم تكون بتعشق الارانب والتربيه بتجري في دمك